Тэгээд би түүнд хэлсэн нь:
Энэ даваагаа давчуул монголд санаа зоволтгүй байх, манай найз намайг онгоцны "залгаасан" дээр тосох учиртай, бид туслаж чадахгүй ч гэсэн нутагтаа хөл тавиадхуул учиртай гэж... тайвшруулж байлаа.

Тэгээд түрүүлээд оруулав. Тэгсэн нөгөө хүн нь нилээд нухацтай хараад байх шиг, өөрийг нь нэг, бичиг баримтуудыг нь нэг хараад... арваад минут болов. Миний зүрх түг түг..., тэрээр бас над руу айсан нүдээр хараад байв
 Гэтэл дотуур холбоо бололтой нэг том хар утсаар ярьж байгаад хамаг бичгийг нь хамж аваад цаашаа яваад хажуугийн шилэн хаалгатай өрөөнд орчив.

Энэ хооронд би түүнээс:
- Юу гэсэн вэ? гэв. Тэрээр солонгосоор юм яриад байсан юм.
-Би ч гайгүй юм шиг байна, гэхдээ хүүхдийн төрүүлсэн эхийнх нь паспорт заавал хэрэгтэй гэнээ, бас хэвтэж буй эмнэлэг ба эмчийн бичиг асууж байна гэв.
Тэрээр надад төрүүлсэн эх нь хүнд өвчтэй эмнэлэгт байгаа тул хүүхдээ хүнээр "итгэмжлэхээр" явуулж буй гэх бичиг баримт бүгдийг бүрдүүлсэн гэж байсан юм.

-Та жижиг хар цүнхний урд талын хармаанаас оюутаны үнэмлэх аваад өгөөч гэв. Түүний өөрийн цүнх болон хүүхдийн том цүнхийг би бариад зогсож байсан юм. Тэгээд би нэг гарт нь нөгөө үнэмлэхийг нь атгуулаад бас хүүхдийн угж байхаар нь аваад хүүгийнх нь өлгийнд хавчуулчав. Энэ нь миний зүгээс хүний хүүхэд гэдгийг нь харуулах гээд байгаа санаа... хэ хэ

Гэтэл нөгөө хүн цагдаа болов уу, гэхээр ч юм шиг хувцастай хоёр хүнтэй ирээд хэсэг харж байснаа, нөгөө охиныг хоёр талаас дамжлах гэж байгаа юм шиг тохойноос нь бариад нөгөө хаалга руу оров.
 
Тэгэнгүүт би орохоо болиод ард байсан хүнээ урдаа оруулаад, нөгөө хаалга руу очлоо. Бараг та нар мэдэх байх, бид зүүн талаасаа хоёр дахь "гейтээр" орох гэж байсан. Тэнд нэг шилэн хаалгатай өрөө байдаг даа...

Тэгээд яваад очтол дотор нь жинхэнэ юм уу, мэдкүү буутай хүн орж болкуу гэсэн. Тэгэнгүүт хүлээж байгаад үүдний хүн нь цаашаа оронгуут дотгошоо шагайвал нэг монгол ах сууж байна. Би түүнээс Ахаа түрүүн нэг өлгийтэй хүүхэдтэй хүн ийшээ орсон яасан бол, та мэдээгүй биз гэж асуув.
Тийшээ аваад орсон "бүтээгүй" байхаа гээд хуруугаараа цаад хаалга руу заав. Би дахин ...ахаа та яасан вэ, гэтэл ах нь "шатсаан", чи цаашаа явсан дээр дээ гэв.
 
Тэгээд гадаа нь хүлээгээд байлаа ..., гэтэл нэг эмэгтэй эрэгтэй хоёр хүн нөгөө охиныг дагуулаад гараад явчив. Би яасан вэ? гэж асуутал ... Та яваа гэж байнаа... Ий ий ий
Тэгээд би яахав дээ, юу ч гэсэн хил гараад хүлээж байя гэж бодоод ортол нөгөө хүн, та тэр хүнтэй ямар учиртай вэ? гэнээ... Би туслаж яваа хүн нь гэв. Та танихгүй юм уу, гээд намайг нилээн сонжив.
Бид хэд паспортын шалгалт давсан ч гэсэн хөөрхий бүсгүйг орхиод амиа бодоод цаашаа явж чадаагүй юм.

Тэгээд тэнд зогсож байтал нэг муухай ааштай хүн бичиг баримтаа шалгуул, яах гэж энд байгаад байгаа юм гээд цамнаж алдав.
Гэнэт миний нөгөө "хөөрхөн ааш" гэнэт хөдлөөд, би хүн хүлээж байна, эцсийн эцэст та нар ч гэсэн адилхан хүн биз дээ... аа аа аа, хэн нэгэн нялх хүүхэдтэй хүнд туслаад цүнхийг нь барьж байсан юм, одоо тэгээд энэ цүнхийг нь яах юм, чамд бас гэр бүл үр хүүхэд аав ээж байдаг л биз дээ... гээд үзэлцэв.

Өөхөө тэгсэн намайг яасан гээ... овоо муу гар уу гээд миний бүх баримтыг минь шалгаад нөгөө өрөөндөө оруулаад байцаадаг гэжийш тэ... Ингэхэд та нар ямар холбоотой, та хэдэн хүн ингэж гаргасан вэ ч гэх шиг, улсын хил гааль гээд баахан хууль дүрэм ярив.

Өө би юунд дутахав, адилхан хууль дүрэмээс нь илүү хүн чанар , хүнлэг ёс яриад унав. Яахав тэр "хүмүүс" хуулиа зөрчсөн юм уу, би мэдкүү, хэн нэгэн нялх хүүхэдтэй ганцаараа яваа хүнд туслаад ачааг нь бариад хүлээж байсан нь миний буруу юм уу...? Та нар намайг шалгаа... Надтай бүдүүлэг хандсаны дагуу би танай улсыг Олон улсын Шүүхэд өгнө..., одоо би Элчин сайдын яам болон Танай оронд дахь НҮБ-ын Хүний Эрхийн байгуулагад хандана гээд...дөвчигнөж өгөв.... За тэгээд ер нь яриул ярина ш тэ...

Тэгсэн нэг хүн ирээд дахин миний паспорт болон визний ангилалыг харсан юм байлгүй, уучилаарай.. онгоц хөөрөх цаг чинь болсон байна. Та нарыг хүлээж байна гээд эелдэгхэн нь аргагүй дагуулаад онгоцонд оруулж өгөв. ... Би чинь тэгж байгаад нэг тэсрүүл аюултай ш тэ... Тайвширч чадахгүй байсаар нөгөө цүнхийг нь таг мартаад тэврээд явж байсан байна лээ.

Бүх зорчигчид суудлаа эзэлсэн байв, зарим нэг нь над руу муухай хараад л, энэ аюултай гэмт хэрэгтэн байх гэсэн харцаар намайг хараа л... байлаа. Тэгсэн нөгөө ачаа хүлээж аваад регистер хийсэн залуу хоёр хүн  дагуулан амьсгаадан орж ирээд надаас хүүхдийн ачаа, бас ээжийнх нь цүнхийг авлаа.

Ядаж байхад хоцорч ирсэн тул дээрхи ачааны тавиурууд дүүрэн тул үйлчлэгч нь бүр хойш нь тавьсан юм. Мангар онигоотой... Хүмүүс над руу хараад... таньдаг хүн таарвал энэ одоо хоёр хүүхдээ дагуулаад юу хийдэг болсон юм болоо гэж бодох вий гээд яс минь хавталзаад... хэ хэ,...за тэр ч ёстой  яршиг л байна...

Өөрийг өмөөрч зөвтгөх учир нь:

Би хүн чанарыхаа төлөө хүнд тусласныхаа төлөө хоёр хүүхдээ айлган, бүр бага нь уйлсан гээд боддоо. Гэмт хэрэгтэн шиг паспортоо хураалган, "хүндэт өрөөнд" заларч байцаалт өгнө гэж үү, дээр нь цаг гаран онгоц саатуулан байж... үгүй үгүй...

Гэхдээ яадгийн яадгийн... тэр хоёр надад анхнаасаа л үнэнээ хэлсэн, намайг хуураагүй..., бас чадлаараа туслана гэж амласан байсан юм чинь...гэхдээ хүнгүй бол би хэнд ч юм гомдоод цурхиртал уйлмаар байсан боловч... тэссээр байсан.

...Чадал байвал тусланаа... туслана... Яахав дээ тэд чинь бас л амьдрах гэж яваа залуу гэр бүл... дээр нь энэ олон түмнээс намайг л сонгож... үнэнээ хэлсэн... яадгийн тэд... яс юман дээрээ тэднээс муухай юм хийдэг хүмүүс зөндөө л байгаа ... гээд өөрийгөө ч юм уу, тэднийг юм уу бүү мэд өмөөрч өмгөөлөн бодоод... бас хэнд ч юм гомдоод байсан...

Гэхдээ би анхнаасаа мэдэж байсан гэж хэнд хэлэхгүй... яасан ч хэлэхгүй...тэр тусмаа тэр Солонгосчуудад... энэ бол миний хүн чанар...

За тэгээл арай тайвшрах аядаад байтал манай хүү гэнэт, ээжээ тэр эгч цүнхээ авсан юм чинь андуураад манай ачааг солиод авсан байвал яанаа..., та ачааныхаа биркийг хар даа гэв. Дахиад зүрх түг түг... , би гэж дээ дандаа л ...аа аа. Манай найзууд намайг хэлдэг юм, "түүгээр яваа гайг үүгээр дуудаад өөрийгөө зовоож байдаг" ...гэж...
Одоо яанаа..., манай ачаа хоёр нэг нь бид гурвын новш, нөгөө нь ээжид нээх цагаан сарынх нь юмыг авсан царай..., нөгөө хоёр пиг дүүрэн хүний дайвар... яанаа... хүний ачааг алга болгочуул юу гэж хэлнээ... би ер нь ямар тэнэг хүн вэ, минийх дүүрчээ... хөөрхий, нөгөө хүний ачааг л авчаагүй байгаасай... Ээ бурхаан...

Ашгүй дээ миний билетэн дээр таван ачааных тавууланг нь наасан  байлаа. ... Гэхдээ л... Галавсайг хүртэл эгчдээ юм дайвал дайгаарай, бид гурав ачаагүй ээ гээд байсан...

...Өө тэгээд өөрийгөө бодохоос уур хүрээд үхэх нь ээ... нээх сайхан сэтгэлээс цаашгүй амьтан, ачаагаа хамт хийлгэчих, тэртэй тэргүй бид аваад гаргаж өгөх юм чинь..., бас хамгийн урьд талын хүүхдийн ор тавьдаг суудал авнаа... санаа зоволтгүй гээд "далжигнаад" байсан. Одоо хар ... миний энэ "сэтгэл"... чамайг даа... гэж бодоод байв.

Аа бас миний зовлон дуусаагүй ээ... дуусахгүй... хэ хэ, ачаагаа аваагүй бол хүний ачааг яанаа..? ядаж жинхэнэ нэрийг нь ч мэдкүү...ээ тэнэгээ тэнэг... дараа нь зар тавьдаг л байх даа гээд ...

Тэгээд онгоц буулаа, найз тослоо... учир зүггүй нөгөө тэссэн нулимс садраад..., тэнэг ш тэ, чи дандаа л ингэж байх юм, яасын би...ий ий, чи ч гэсэн нялх хүүхэдтэй хүнд туслахгүй байж чадкүү биз дээ... ий ий...

Бүх ачаа ирсэн байлаа. Найз хэлж байна... гадаа авах гээд хүн ирээгүй бол дээшээ манай өрөөнд орхичих... гэнэн гэдэг нь... Мангартаад уйлаад байдаг гээд .. бууж алдав. Ядаж миний нэрийг ч мэдкүү ш тэ...

Тэгээд гартал нэг ах ирээд танд нэг ачаа ирсэн үү, би ах нь байнаа гэв. Тэгсэн манай найз таныг хэн гэж өгөх юм вэ, гэхэд над руу нөхөр нь ярьсаан, тэр охин чинь миний төрсөн дүү, хар цамцтай өндөр, үсээ боосон эгч, охин нь цагаан шубатай ягаан өмдтэй, хүү нь саарал цамцтай нүдний шилтэй хар малгайтай, ийм хүн байгаа гэсэн гэв.

Бас хариуцлагатай нь аргагүй иргэний үнэмлэх бас бус бичиг баримтаа манай найз хүүхэнд үзүүлсэн.
Тэгсэн найз өгөхгүй ... над руу ярь гээд хэл гээд дугаараа өгөхөд ... ах нь шууд залгаад надтай нөгөө залууг яриулав. Манай найз чека л даа, ажил нь юм хойно, тэр залуутай яриад... бид гурвын гадаах мэдээлэл нь өмссөн зүүсэн бас юу гэж ярилцсаныг сонсож байгаад, дараа нь надаас асуугаад тэр ахын бичиг баримтыг канандож аваад өгсөөн хэ хэ...

Энэхүү бичлэгт ямар нэгэн уран сайхны болон бас бус хэтрүүлэг ороогүйгээс гадна, дээр өгүүлсэн гурвын маань ах дүү хамаатан садан найз нөхөд  уншвал... надад хэл дуулгаарай...? Тэр хоёрыг би эх орондоо саадгүй ирсэн гэдэгт итгэж байна.

Болсон явдалыг чадан ядан сийрүүлсэн Зам зуур танилцсан эгч чинь байнаа. Хэрвээ хэзээ нэгэн цагт уулзвал жинхэнээсээ танилцахыг хүсч байна... Та гуравтаа энэ хорвоогийн хамаг сайн сайхныг хүсье?

Монголын үрс маш олон болтугай...