Та бүхэн мөнгө угаах гэж ямар утгатай үг болохыг мэдэх үү... 

АНУ-д архи хэрэглэхийг хорьдог хуультай байх үед Гангстерүүд сархадын хууль бус наймаанаас асар их мөнгө олдог байжээ. 

Орлого нь хууль бус наймаанаас олдсон байж таарахгүй , иймээс өөр орлогоос олсон мэт харагдуулах учиртай. Чикагогийн дээрэмчид өөрсдийн эзэмшдэг хими цэвэрлэгээнэий газрынхаа орлого мэтээр мөнгөө хууль ёсны болгодог байжээ. Ийм газрыг англиар "лондри" гэнэ. Эндээс үүдэлтэй "лондри мани" буюу угаалгын мөнгө гэсэн нэршил үүсчээ. 

Орчин үед хар тамхи, зэвсэг наймаалсан хууль бус мөнгөө казиногоос хожсон мэт болгож "угаадаг" арга түгээмэл дэлгэрчээ. Мөнгө угаахад тогтсон ханш бий. Хууль бус мөнгөтэй хүн 30% хүртэлх хувиа тушаагаад казиногоос асар их б аялаг хожлоо гэсэн баримт бүрдүүлж дөнгөнө. 

Манайд мөнгө угаана гэдгийг хоёр янзаар ойлгоно. Эхнийх нь усаар угаах мэтээр ойлгоно. Манай нэг парламентч тээр жил "манай банкууд мөнгийг угааж угааж ..." хэмээн хоёр гараараа алгаа үрж үрж "... цааш нь явуулчдаг" гэж ярьж билээ. Өөрийгөө бизнесчин гэж нэрлэсэн нэг луйварчин сонинд ярилцлага өгөхдөө "Нигер улсаас надад мөнгө угаах урилга ирсэн. Үүнийг би албан ёсоор хуулийн дагуу л угаана гээд Москва дахь Нигэрийн элчин сайдтай уулзсан гэж донгосож билээ. 

Нөгөө нэг ойлголт нь их мөнгөөр бизнес хийхийг хэлээд байх шиг. Их мөнгөөр бизнес хийвэл их мөнгөөр хийлээ л гэж ярина биз дээ. 

Заримдаа манайд авилга, хулгай төсвийн мөнгө шамшигдуулахыг "мөнгө угаах" гээд байх шиг. Бүргэдийг бүргэд гэж хэлдэгтэй адил хууль бус мөнгөний "өнгийг" хувиргахыг л МӨНГӨ УГААХ гэнэ. 

Нэмэх зүйлээ хэлээл хэлээд явчаарай...

 Ардыг элч номноос товчлон авав.