Өмнөх бичлэгийн үргэлжлэл... 

Тэр үед наймаа шаймаа хийж хөлжих нэг нь хөлөө олсон үе. Би найдвартай хүн олдвол дүүгээ жилийн чөлөө авхуулж  хэдэн мөнгөө өгөөд, хүссэн байраа аваад үлдсэн мөнгөө дүүдээ өгөөд, биеэ дааг гэж бодож явсан юм, гэтэл миний энэ санааг аав маань ер дэмжихгүй, дүүгээ уруу татаад, эрдэм номноос нь холдуулж, шуудайтай юм үүрсэн хүн болгох гээ юу, чи ер нь юу л сэдээд явна гэж "хардаад" халгаахгүй байсан юм. 

Нэг өдөр би хамт ажилдаг ахынхаа найз нэг аятайхан царай зүстэй, гайгүй бизнэс хийдэг, яриа хөөрөө сайтай, насаар ээжээс минь хэд дүү нэг эгчтэй танилцаж гайгүй найз болвоо чиг. Хааяа ажил дээр ирнэ, хоол унданд ороод сайхан найзууд боллоо. 

Бид төсөл хэрэгжүүлж байсан байсан тул, зундаа ёстой халтайтлаа хөдөө хөхөрч, гадаа гадаа гандана, өвөлдөө бол тэгс гээл, хааяа сайхан "хаагийнд" явна, халтуур шүү дээ, японоор "арабайто" гэдийн, манайхан мэднэ дээ... албан бус гэсэн үг л дээ, нэг хуудас тэд гээд ханштай, бас болоогүй том ах нарт л хаагийны санал ирнэ, мань мэтээс хувиа аваад гүйлгэнэ, эхлээд өдрийн 50 долл аз тааруул 100 гаар ч сүнгэлүүлнэ, гэхдээ цөөн, ах нартайгаа тохирно... энэ маягаар овоо л байлаа... 

Нэг өдөр хаагийны ажил дуусч хүлээн авалт тарах үед, тэр эгч тааралдаад, за эгчид нь маш яаралтай мөнгө хэрэгтэй болоод явж байна, чи зээлүүлээч долоо хоногийн дараа хэдэн хувын хүүтэй өгье гэхээр нь өгчихсөн юм.

Тэр үед би чинь эмээ өвөө хоёрын харддаг шиг "дэнэгтээд" тэнээд яваад байхгүй  ажил албаа ч амжуулна, залуу хүн шоудалгүй яадын сэгсийлтэлээ дискодоно гэхгүй юу...Тэгсэн нөгөө эгч хэлсэн амандаа сууж цаг хугацаандаа өгөх ёстойгоо болон нэмэлт юмаа ч өгсөн юм.

Дараа нь эгч бид хоёрын үерхэл зузаарч бас нилээд их мөнгө зээлдүүлсэн юм. Би түүнийг итгэлтэй хүн гэж бодож байлаа... бас л цаг хугацаандаа... Залилагч нар бол дэндүү аймаар юм байна лээл дээ...

Гуравдахь удаагаа надад айхтар санал тавьсан юм, эгч нь том наймаа хийх гээд, том мөнгөнөөс том ашиг унана, найдвартай бүх мөнгөө оруулчих том хийнэ гэж итгүүлээд, чи байраа ч авна, бүх тавилгаа ч авна, цаана нь мөнгө үлдэнэ гэж, надад итгүүлээд нилээд удаан бодсоны эцэст би зөвшөөрч хоёр талаасаа гэрээ маягтай юм бичиж гарын үсгээ зураад сар хагасын хугацаанд бүх зүйл төлөгдөх ёстой гэж цаасан гэрээ хийгээд өгч авалцсан юм.

Нэг сар хоёр сар өнгөрлөө, хуурай эгч сураггүй мөнгө бүүр ч сураггүй, би аргаа ядаад байн байн гэрт нь очиход, эхлээд хүүхэд нь ээж ирээгүй гэдэг байснаа сүүлдээ хаалгаа ч тайлахаа болив, би бүүр сэтгэлээр унаад ажлын ахдаа хэлсэн чинь, өө балай юм, хэн чамайг хамаг байдгаа өг гэсэн юм, гайгүй л хүүкэн ш тэ, хүлээж байхгүй юу гээд, надтай хамт 2 удаа гэрт нь очсон юм.

Бүр гурван сар өнгөрлөө, тэр эгч ирээд надаас бултаад байгааг нь би мэдсэн юм л даа. Тэгээд  нөгөө ахад хэлсэн чинь надад майр уурлаж, хэн чамайг түүнд мөнгөө өг гэсэн юм, би хэлээ юу, чи ер нь яасан айхтар хүүхэд вэ, та нар өгч авалцаж байхад чинь би байгаа юу... намайг зүгээр байлга чи, тэнэг гэдэг нь, намайг хамсаатан гэх гээ юу, шүүх цагдаагаараа яв гэж хэлсэн юм.

Энэ үед ёстой аймаар дээшээ тэнгэр хол, доошоо газар хатуу гээчээр, хол унднаас гарсөөн, турж эцээд, бүүр нэг л шаналгаатай хэцүү байлаа... намайг мөнгөний төлөө үхэх гээд гэж бүү бодоорой, гэхдээ би бодсоон, тэр чинь миний ариун цагаан хөдөлмөр, бас тийм их итгэж байсан эгчдээ хулхидууллаа  гэж бодохоор аймшигтай байсан юм шүү... Би тэр үед 25 нас ч хүрээгүй байлаа...

Тэгээд аргаа бараад дүүргийнх нь цагдаад өргөдөл бичээд өгсөн юм, тэгсэн тэр байцаагч ах нэг л бишээ, инээгээ л хөөе чи яаж ийм их мөнгөтэй болсон юм гээл, ахтайгаа сайн яриул бүх юм болно штэ гээд нээх зэвүүн, заримдаа орой үдэш утасдаад ах нь найз нартайгаа жаахан халаад дүү охин юм бодно биз гээл, ажил дээр одоо хүрээд ир гээл, эхлээд очлоо чи минь, пөө аймаар архичид хэн нь хэрэгтэн, хэн нь хууль сахиулагч юм бөө мэд аймаар аймаар, одоо бодоход нуль найраа л явагдаж байж, сүүлдээ ийм тийм газар суужээн манай найз цол аваад ч гэх шиг, бүүр сүүлдээ гадаа чинь ирчлээ хаалгаа тайл ч гэх шиг... ер нь түүнтэй л унтаж хэвтэхгүй л бол болкуу янзтай дарамталж нтр... тоохгүй орхисон чинь ахад нь мөнгө хэрэг болоод чамд итгээд ярьж байнаа ч гэх шиг...

За тэгээд "миний цагдаа намайг хамгаална" гэж  гоньж юм байна гэж бодоод "сайн эрсд" хандахаар шийдлээ. Ихэнхи хүмүүс мэднэ дээ манай 40-н мянгатын майр сайн ах нарын тухай дуулаагүй хүн ховор биз, тэр бол манай байрны "сайн" ах л даа, шууд явж очоод үнэнээ хэллээ уйллаа, хувиа ч өгнө, татвараа ч төлнө гэж мангар "том хүн" шиг ярилаа.

Тэгсэн өө муу шарлайсан юм чинь, багын л чөтгөр шиг  шартай хортой юм байсан, засраагүй шив дээ, овоо хоёр хөгшинөө өргөөд  гээд хүн амьтан яриад байсан худлаа байх нь, хамгийн гол нь залилуулсан гэдгээ би хэнд хэлээгүй байсан тул та л аргал гэж тулгах шахам хэлсэн юм. Тэр үед "сайн" ахын маань эхнэр хүүхэд Москвад амьдардаг, нилээд том наймааны сүлжээтэй болсон гэдгийг би хүмүүсээс л сонсож байсан юм. Тэр ахад цагын сайханд ээж маань ч тус болж явсанг би дуулсан юм. 

Уг нь миний ээж чинь хуульч хүн, гэхдээ мэдвэл алуулна гэж айж байсан юмаа. Тэгсэн ах за хоёр бацаан явуулна, чамаас би юуг нь авахав дээ,, харин цаад хоёртоо хоол унд, унаа унашных нь мөнгийг өөрөө мэдээд хангалттай өгсөн дээр шүү, ах нь одоо тайван сайхан амьдарч байна, атаман үе өнгөрсөн өвөө болох ч дөхөж байна, чи цагдаад биш надад эрт ирж хэлэхгүй яасан юм гэж байлаа... хаалга нь онгойхгүй гэрэл нь асдаг айлын хаалга онгойжил таараа гэсэн юм. Энэ хэсэг аягүй "эвгүй" санагдаж байна уу, үнэн юм үнэнээрээ сайхаан тиймээ...

Төд удалгүй нөгөө эгч над дээр уйлж унжин ирж, эгч нь баларсан шатсан, гэхдээ чиний мөнгийг заавал өгнө, хугацаа өгөөч дээ гэж уйлан хайлан эхлээд овоо хэдийг дараа нь увуу цувуу хэдэн төгрөг өгөөд орсон гарсан ч хэдэн залуучууд дүүгийнхээ мөнгийг авахаас нааш гарахгүй гээд гэрт орж дарамтлаад даралт ихсээд үхэх нь, би ингээд үхчүүл чи мөнгө ч гүй хоцорно гээд аймаар панаалдаж байгаа байхгүй юу, би мөнгөө л авна, өөр яриа байхгүй луйварчин минь гээд ардаа бат хамгаалалттай болсон хүн чинь томроод, ингэж тэгсээр нилээдийг нь салгасан, юун хүү мүү өгсөнөө арай хийж авах гэж хүмүүс ажилуулж байна ш тэ яг үнэндээ...

Удалгүй нөгөө авгай бөөн алт мөнгөн эдлэл бариад ирдийн энэ бол ийм үнэтэй, чи барьцаандаа авч бай гээд, тэгсэн эмээ наад нүгэлтэй авгай чинь бас хүн хуураад авсан муу ёрын эд байх, гэр орондоо байлгахгүй гээд, өвөө тэндээс олдсон юмыг нь авсан л дээр шүү гээд...Тэгээд сайн ах хэлж байна наадах чинь одоо айчихсан, ах нь хойшоо явлаа, хэрэгтэй үедээ манай хүмүүстэй яриарай гэсэн юм. 

Тэгээд ахын үгээр болох юм байх гэж бодоод байсан чинь дахин сар гаран нөгөө эгч маань сураг байхгүй... гэрт нь өөр айл ч гэж дээ дүү хүүкэн нь орчихсон, бид мэдкүү, өр авлагатай хүнтэйгээ ярь, энэ байрыг бид өрөндөө авсан, манай эгч манай байрыг яасан ч гэнэ үү, бас юм яриад... ингээд бас дээшээ тэнгэр хол, доошоо газар хатуу...

Нэг өдөр ажлаа тараад ажлынхаа зам нийлдэг нэг эгчтээ алхаж явтал, яг цагдаагын төв газрын өмнө миний "хайрт эгч" гав ганцаараа зогсож байдын, өст хүн өлийн даваан дээр гэж үнэн юм байна лээ дээ, ажлынхаа эгчид цүнхээ өгөөд, за та миний хойноос хүн хөөвөл шууд цагдаа дуудаарай наанаа зогсож бай гээд хариу сонсохгүй шууд гүйгээд очлоо... 

Хөөе муу балиар авгай минээ гэж орилж очоод, ганц шанаадаад,цүнхийг нь авах гэсэн өгөхгүй байхаар нь ганц л элэгдсэн чинь доошоо суучихсан, цүнхнээсээ зуураад тавихгүй байхаар нь бас ганц өшиглөсөн юм. тэгэхэд хашлага налаад л суух шиг болсон юм. Нэг мэдсэн би  оосоргүй цүнх тэврээд гүйгээл байсан, гүйгээл байсан... элэг зүрх амаар гарах гээл, энэ бол ердөө хэдхэн минутанд болсон үйл явдал л даа... 

Одоо бодоход яасан ч их зориг вэ тэ, ямар их шар хор вэ тэ, араас хүмүүс гүйж ирээд алчихвал яана ч гэж бодохгүй, заавал хариугаа авна гэсэн гомдол ёстой л галзуу барын аманд гараа хийхээс буцахгүй явсан залуу нас л юм даа... ккк .Энэ тухай одоо би бодоод өөрөөсөө айдаг юм шүү, ер нь би их тайван алиа марзан юм шиг мөртөө, нэг юм хөдөлвөл их огцом хэцүү зантай хүн л дээ...

Хэ хэ арай хийж эргэн эргэн хараад айсаар гэртээ орсон юм, мэдээж амьсгаа нтр бол аймаар өндөр штэ, оронгуутаа булаасан цүнхээ үзэхэд нилээд хэмжээний  ам доллар, бас монгол төгрөг, над бол яг үнэндээ мөнгө нь чухал байлаа... бас бус эд зүйлс, хамгийн гол нь тэр эгчийн нэр дээрхи 2 ширхэг ногоон паспорт, 3 ширхэг улаан паспорт зураг нь адил нэр нь өөр өөр, бас 2 компанийн тамга тэмдэг, банкны зээлийн бичгүүд гарч ирсэн юм. 

Тэр шөнө миний амьдралдаа үзсэн хамгийн аймшигтай болон аз жаргалтай шөнүүдийн нэг байлаа... Яагаад гээ хонзогнож хорсож бас гомдож явсан хүнийхээ бичиг баримт ба чухал зүйлсийг нь хэний ч дэмжлэггүй өөрийнхөө чадлаар авч чадлаа гэх тэнэг охин миний баяр бахдал омогшил, айдас нь баахан хүн хаалга эвдээд орж ирээд эмээ өвөө бид гурвыг цааш нь харуулчих вий дээ гэх, бас болоогүй дүүгээ дуудаад ирж хоно гээд айн.. 

За маргааш өглөө нь би гарах гэж байтал хаалга тогшлоо, нээтэл нэрийг минь хэлээд энэ хаяганд суудаг уу гээд нэг цагдаа зогсож байх юм, за би байна гэсэн чинь май гээд нэг цаас өглөө харсан чинь Цагдаагын төв газрын толгойтой баланкан дээр, цагаан дээр хараар нэрийг минь биччихсэн зарлан дуудах хуудас байлаа.

Доор нь юу гэнэ үү 24 цагын дотор иргэн та сайн дураараа ирэхгүй бол таныг Монгол улсын Эрүүгийн хуулийн хэддүгээр зүйл ангийн дагуу баривчлах хүртэл арга хэмжээ авна бичсэнийг уншаад шууд зүрх салгалаад, нүд бүрэлзээд, урьд шөнийн омогшил бахархал ганц хормын дотор юу ч гүй болж, хөөе би яасан юм болоо гэтэл, мэдкүү би бол зарлага, энд гарын үсэг зур гэсэн. ( ямар азаар би хаалга тайлсан юм, эмээ өвөө бол шууд зүрх нь зогсчуул яана) ...

Ингээд тэр чигээрээ гүйж гараад очлоо доо, тэгсэн жижүүр нь тэр өрөөнд оч гэлээ, зөөлхөн яваад орлоо, нөгөө цаасаа үзүүлсэн чинь, нэг ахмад цолтой ах за чи мөн үү, бичиг баримтаа л гэнэ, үзүүллээ, тэгсэн нээх муухай хараад бас жуумагнаад байнаа чиг, за өөрөө яадаг гэнээ, гэгээн цагаан өдөр хүн зодож дээрэм хийсэн чинь үнэн үү л гэж байна, үнээн л гэлээ... тэгсэн гав гаргаж ирээд ийм жаахан байж яадаг задарсан хүүхэд вэ, гэр орондоо дуулга дулаан хувцасаа авчир гээд хэлдийм даа... ээ бурхаан тэнгээр уйлаад хайлаад ээ ах минь энэ ийм учиртай юм, энэ хүн ингээд тэгээд гээд нус нулимсандаа гутгалдаад  хамаг байдгаа ярилаа, тэгсэн хажууд нь нэг залуу би хэлснийг л бичээд байгаа болтой үе үе тэсэлгүй инээд алдах гээд, бас надад нусны алчуураа өгөөд байнаа чиг, сүүлдээ нөгөө ууртай ах инээдээ барьж ядаад, ингэж болдоггүй юм шүү дээ, та нарын өр зээл өглөгө авлага тусдаа зүйл иргэний хуулийн дагуу шийддэгдэх хэрэг, чи хүн цохиж, хүний эд зүйл булаасан чинь үнэн тул эрүүгийн хэрэг болж байгаам, одоо уйлаад яахав дээ, гүйгээд дээрэмдсэн юмаа одоохон аваад ир, бас ээж ааваа дууд гэлээ. 

Арай тэнгэр цэлмэх шиг,нөгөө дээрэмдсэн муухай шар цүнхээ бариад бас аав руугаа утасдаж аятайхан хэлчиж байгаамаа ккк, за ааваа санаа зовох хэрэггүй шүү, энд нэг юм болоод аажуухан тайван ирээрэй гээд ...

Эргээд ирсэн чинь нөгөө муухай авгай чинь толгойгоо боочихсон, хүнээр түшүүлчихсэн ёо ёо гээд яг үүдэнд нь сууж байдаг юм даа, ёстой цохиод л авмаар байсан боловч шүдээ зуугаад орлоо чиг, комисс маягтай хэдэн хүн тэр мөнгөнүүдийг серь серьэр нь тэмдэглэж аваад байтал аав ээж бүгд ирлээ. Аав над руу аймаар муухай хараад, эндээс гараад чамайг даа гэсэн шиг, би чинь үхэж байгаам чинь, за шоронд л орохгүй бол аавдаа зодуулах яамай ухааны юм бодцон нтр...ккк

Тэгээд нүүрэлдүүллээ, за хэдэн төгрөг байсан нтр гээд, ашгүй нэмж хэлээгүй нь яамай даа, ёстой санаа муут явна хатна гээчээр тэр өмхий авгай тэнд залилангийн хэргээр байцагдаж байгаад надтай тааралдаж өр зээлээ дуусгах гэж яваад миний олз болсон юм билээ л дээ... Бас цүнхэн дэхь мөнгөө л бодож бодож цагдаад өгсөнөөс биш, тэр олон паспорт нтрээ марсануу яасан бүү мэд... бөөн гэрч байгаад аав шууд давхар тэмдэглэл хийж аваад бүх яриаг өөрийнхөө албаны диктафонд бичиж авсан юм байна лээ...

Ёох тэгсэн нөгөө муу авгай чинь тэр оройдоо шүүх эмнэлэгт очиж, гэмтлийн зэрэг тогтоолгосон бичиг үзүүлж нтр, өрөө өгөхгүй санаатай байсан байх, тэгсэн аав шууд, за миний хүүхэд хүн цохьсон нь үнэн юм байнаа, хохирогч тал хэрэв гомдолтой гэж үзвэл энэ насанд хүрсэн хүн өөрөө болчимгүй үйлдэлийнхээ төлөө ял зэмээ авна биз, энэ олон паспортын учрыг би өөрөө албан ёсоор төрийн хариуцлагатай ажил хийдэг хүний хувиар албан ёсоор илчлэнэ за гэрч тэр тэр гээд гарын үсэг зур, хэрэв та нөхөд энэ хэргийг та бүхэн нуун дарагдуулсан хэрэгт хамсаатан болвол тэр биз гээд, яг одоо Гадаад явдлын яам, Тагнуулын төв газар, Иргэний бүртгэл мэдээлэлийн төв рүү албан бичиг явуулна гээд нам дарсан юмдаг. 50 нас хүрэх гэж байгаа бүдүүн авгайг яаж ч бодсон, 25 нас ч хүрээгүй 50 кг хүрэхгүй жинтэй чөргөр охин гэмтэх хүртэл нь цохиж чадах вэ... энэ бол асуулт...???? бас шалгуулна гээд...

Тэгсэн уг нь гайгүй эмч байгаад архинд орж, шүүх эмнэлэгт орон тоо бөглөдөг, нэг муу согтуу Б гэдэг эмчид хахууль өгч дүгнэлт гаргуулсан юм байна лээ л дээ... Яахав би арзгар хумсан дээр суулгасан шигтгээтэй нэг бөгж зүүдэг байсан юм, шанаадахдаа л нүүрийг л урчихгүй юу даа... ккк ( за уг нь энэ ч миний буруу л даа) 

За тэгээд адгийн зарга арав хоног гээчээр зөндөө юм болсоон. Сүүлдээ нөгөө авгай гомдолгүй гээд орхичих тэх үү, эгч нь мөнгийг чинь амалсан хүүнээс гадна, хэд нугалж төлий гээд..., эгч нь худлаа хэлсэн юм гэж шүүх эмнэлгийн бичгээ "улайж" бас нэг эмчийг хэрэгт хийчээд,, паспортын хэлтэс, гадаад яам  гээд цаана чинь олон хүн хоолгүй болж байнаа гээд гуйж гувшаад, эгч харин өөрөө жинкэнэ "амьтан" болдындоо. ккк

Тэгсэн аав чи өөрөө яг таг гомдолгүй (эрүүл мэндийн талаар)  дараа нь иймээ тиймээ юм байхгүй, миний хүүхдэд өс хонзонтой хүн гэвэл ганц чи, миний хүүхдэд ямар нэгэн гэмтэл учирвал би хүлээнэ гэсэн баримтыг цагдаагын байгуулагын гэрчтэйгээр үйлдүүлж, бүх дүүргийн цагдаад мэдэгдэл хүргүүлж, би бараг цагдаад данстай хүн болсон ш тэ. Энэ нь миний амь насыг аав маань цагдаад даатгуулсан гэсэн үг л дээ...

Үүний дараа би гомдолгүй гэж гарын үсэг өгсөн, яагаад гээ, нэг бодлын муухай ч бас эхлээд том амлаад, нэгнээс нь нөгөөд авч өгсөөр бүүр сүүлдээ өөрөө ч ойлгохгүй өрийн сүлжээнд автчихсан юм байна лээ л дээ, гомдолтой гээд тэр хүний шүүх хуралд би очиж, ялыг нь хүндрүүлж яах ч юм билээ...

Гэхдээ бид авах ёстойгоо л авсан, аав маань чи хүний нялх хүүхдийг хуурч хамаг байдгыг нь залилаад, чамд залилуулсан хүүхэд маань эцэг эхдээ ганц үг хэлээгүй байхад, эргээд чи цагдаа өгч мууг нь үзэх гэснийг чинь бодохоор дургүй хүрч байна, чи ч бас эх хүн, (охин нь надаас 2 дүү байсан байхаа...) шүү дээ л гэж сүүлд нь хэлсэн.  Тэр их олон хүн хуурч залилаж явсан хүн юм билээ... Бас бус банк ч түүнд хууртсан юм билээ л дээ... Миний үеийнхэн бараг хэн байсанг нь гадарлаж байгаа байх даа...

Одоо ёстой жинкэнэ гоё юмаа бичих гээд...дараа нь яасан гээ, энэ хэрэг дуусангуут аав намайг аймаар чанга нэг амбаардаад, уг нь шанаадах гээд гараа далайсан чинь  ээж хөөе нүүр рүү нь бишээ...бөгс рүү цохь гээд... ха ха дахин нэг амбаардуулаад, тэгсэнээ хөөе болноо, охин хүүхэд сав суулга нь доргичихлоо гээд өмөөрчөөгөөн бишүү... Энэ явдлаас  хойш би хүмүүжсэн гэх үү дээ...

 Аав маань намайг яадаг чөтгөр вэ чи, овоо хүн болох нь гэтэл хүн зодно дээрэм хийнэ, яаж чулуу пуйпуу таараагүйм, таарсан бол чи аваад нүдэх нөхөр, юмыг яаж мэдэхэв эмзэг газар нь таарвал чи шоронд орно, бас мөнгөний шуналтай, тамхи татна, архи пивоноос буцахгүй ( миний аав өөрөө нэг ч грамм архи уудаггүй хүн байсан юм) ингэж байхаар хүнтэй суугаарай чи гээд, тэр мөнгөө одоо хураалга гээд, манай эмээгийн дуртай нь аргагүй авдраа уудлаад  өгч байгааг ээ... Ингээд миний баяжих ч будаа, байр ч будаа...

Айдаа аав минь байхад мөн чиг сайхан байж дээ...

Хангайн нуруу шиг түшигтэй аав минь та 

Алтаар уйлсан ч эргэж ирэхгүй хол явчлаа даа...

Эрдэнээр уйлсан ч эргэж ирэхгүй ээжийгээ

Энэхэн байгаад нь баярлуулахсан гэж 

Хичээж л явна даа тэнэг охин үр чинь..

Энэхүү бичлэгээрээ би юу хэлэхийг хүссэн гэвэл... ( би их муу бичдэг тул зарим хүмүүс ойлгодоггүй юм байна лээ)

1. Залилагчдаас болгоомжил, өгөөш өгч итгэлийг чинь бага багаар авсаар нэг л удаа бүр мөсөн залгих юм байна лээ шүү...

2. Цагдаагын газар хүний муу нь ч, сайн ч байдаг юм  билээ... Боломжтой бол өөрийн гэсэн нэг хүнтэй болоорой... гэж зөвлөх байнаа.

3. Сайн эрстэй нөхөрлөх муугүй шүү, цагдаа хууль шийдэж өгөхгүй асуудлыг тодорхой хэмжээнд үтэр түргэн шийдэж өгөх вий.. хамгийн гол нь татвараа сайн төлөх хэрэгтэй...

4.Хууль ёсыг ойлгуулж зөв талаас нь учиг тайлдаг тэр ахтайгаа найз нөхөр, бүр хуурай ах дүү бололцсон юм.Төр төмөр нүүртэй ч шудрага хүмүүсээ дэвшүүлж байгаад би хувьдаа баяртай байдаг. Одоо хааяа очихоор хүргэж өгөх үү, зодоон цохионгүй харьж үзээрэй, чи данстай хүн шүү, давтан хэрэгтэн болно гэдгээ мартуузай гэж намайг ичээдэг юм. Ер нь муу хүнээс сайн нь олон доо...

5. Дүү нартаа аминчлан захихад, наад захын хууль зүйн мэдлэгтэй болоорой, Блогтой эгч нь өөрөө эргээд хэрэгтэний ширээнд суух их ойрхон байсныг заавал ойлгож нэгийг тунгаагаарай... 

6. Ачит аав ээжийгээ

   Амьд байхад нь 

   Амжиж баярлуулаарай

   Алс холоо одсон үед нь

   Алтан бурхан бүтээлгээд ч яах юм билээ

   Авралын сүм босгоод ч юу хийх билээ

    Хүний зэрэгтэй 

    Хүү чинь явнаа гэж

    Хүч чадалтай дээр нь 

    Хөл дээрээ босож байгаа дээр нь

    Хүрч чадах газрыг нь үзүүлээрэй...

За конец фильма.