Саяхан би Хүний цусны бүлэг хэмээх бичлэг уншлаа. Минийх лав их таарч байна. Яагаад ч юм бүү мэд, бүүр бага байхын гурилан идэх юманд их дургүй ээ... дараа нь дотор муухайраад байдаг юм, болж л өгвөл махан хоол, болкүү бол цувдай толгой, дотор махан юу ч хамаагүй махан төрлийн зүйл идэх дуртай. Бас давслаг исгэлэн юманд нугасгүй...

 Энэ нь хүний зан араншинтай ч холбоотой байж магад, намайг жаахан байхад фрэш лимон тэр бүр олдохгүй, лимоны хүчил (кислота) гэж давс шиг цагаан зүйл байх, за тэрийг чинь гарынхаа алган дээр асгаж байгаад долоож өгнө, болкүү бол бүүр жамц хэмээх чулуун давс долоодог хүүхэд байлаа... 

Намайг бүр жаахан байхад эцэг эх хоёр маань муудаад түр салчихсан юм. Би 20 настай оюутан байхад нь төрсөн анхны хүүхэд нь, аавын ээж намайг хүн хийсэн гэдэг. Тэр үед ээжийн ээж ажил хийдэг байсан ( ноднин бурхан болсон эмээ минь). Аав намайг худалч хүнд газар гишгүүлэхгүй их хайрлана, ээж аав муудаа л бол, аав намайг хамж аваад хашааны эмээдээ очдогсон, би тэр үед дүүгээ аваад эсгий гэртээ харъя гэж "хатгадаг" байсан гэж ээж минь гомдолдог юм. 

Тэр үед хэсэг хугацаанд бид эсгий гэртэй эмээгийндээ байсан, тэнд гоё хөгжилтэй олуулаа, үхэртэй, морьтой, тахиатай, нохойтой, бүр нэг жингэр нохой тэжээдэг ба, зөндөө олон хөөрхөн гөлөг гаргана, би өлгийдэж тоглодог байсан юм. 

Миний аав олуулаа, нэг ахтай дөрвөн охин дүүтэй, дээр нь аавын нагац эгч нөхрөөсөө салаад өөр хүнтэй ханилах үед гурван охиныг нь эмээ маань авч хүн болгосон гэх. Намайг ухаан орох үед тэд бүгд манай гэрт байж намайг харах нэг нь харж, дараагийн үе нь дүүг маань харж манайхаас тусдаа гарсан гэдэг.

Ээж маань айлын ганц, бас тэр үед өвөө том ажил хийдэг, монголын анхны том сэхээтэнүүдийн нэг тул аавын хэдэн дүү нарыг ёстой л өөрийн юм шиг, хайрлаж халамжилж гэр орондоо суулгаж өөрийнхөө өнгөтэй өөдтэйг өмсүүлж нөхөрт гаргасан гэдэг.

Тэр үед яагаад ч юм, чиний муу ээж манай ахыг дээрхэлэж байдаг гэх яриа гарсан юм. Баян айлын тэнэг охиноос сал гэсэн ойлголт байх байсан шиг, би тийм жаахан байж ээжийгээ өмөөрч уйлаад, миний ээжийн юмнуудыг  өг гэдэг байснаа санадаг, ээж ирээд намайг авах гэхээр өгөхгүй ээ гээд намайг нуудаг байсан гэсэн. 

Удалгүй ээж хөдөө аймагт шүүгчээр явчихсан гэдэг. Энэ үед эмээ байсан тул би сайн санахгүй л дээ, би эмээтэйгээ унтдаг, надад хамгийн нандин бүхнээ өгдөг байлаа. Тэр зун ээж ирээд намайг аваад явсан, гэтэл удалгүй эргээд ирсэн эмээ маань бурхан болчихсон байсан.

Би үүнтэй эвлэрч чадаагүй хэсэг их зовсон юм. Тэр үед би долоо хүрээгүй байсан үе, эцэг эх маань муудаад, чамаас болсон гэж ээжийг буруутгана, ээж би өөрийнхөө охиныг авч болкүү юу... гээд... гэхдээ аав дийлсэн байх, би тэнд хэсэг аавтайгаа хамт тэндээ үлдсэн. 

Тэр үед аав ажилдаа явна, тэр хойгуур зарим авга эгч нар маань эмээ шиг минь намайг хайрлахгүй нь ойлгомжтой, талх масло ид гэнэ. Би идээд гараад бөөлжинө, чи муу голж байна, үх үх өлсөж үх чи гэж намайг зодож байсан эгч нар минь байсан юм шүү... Чи муу голж байна уу, идкүү бол өлсөж үхээрэй чи гээд, орой аавыг ирэхээр намайг ховлож эх шигээ цамаан амьтан, ээж чинь хөдөө хүнтэй суухаар явсаан, та нар одоо манайхыг дээрхэлж чадахгүй гээд... намайг бараг л "тамлан" зовоодог байлаа... 

Сүүлдээ аав мань ч надад бус дүү нартаа итгэж надад уурладаг байж билээ... чи яагаад хүний иддэг юмыг идэхгүй байгаам гэж, би мэдкүү штэ... эргээд бөөлжөөд гаргадаг байсан. Одоо хир нь би ганц бискэт байтугай амандаа хийх дургүй харин гоё торт нтр бол жаахан ганц хоёр сэрээднэ... 

За би нь юу биччихвээ... гэхдээ намайг тийм жаахан байхад хамгийн их муухай аашладаг зоддог байсан эгчдээ би хайртай... миний аманд талх чихэж байж билээ... би бөөлжих гээд, гаргавал хоосон хононо гэж мэд гээд, би хичээгээд чадкүү, ээжээ би үхмээр байна гээд тийм багадаа үхлийг хүсч байсан юм шүү...бурхан минь...

Намайг чи хоолоо голдог заяагүй амьтан, чи сайн явахгүй ээ, чиний хүний хаясан юм түүж идэх заяатай төрсөн, хог түүдэг хүн болно гээд одоо энэ талх сайн ид, эргээд бөөлжөөд үзээрэй , дараа нь тэрийгээ цэвэрлэ  гээд мөн айхтар байжуу лээ... Тэр үед ээж хөдөө аав хойшоо Москвад нэг судалгааны ажлаар хэдэн сар явсан үе. 

Хөөрхий тэр эгчдээ одоо би дандаа гоё идэх юм аваачиж өгдийн, нилээн яадруу яваа, би нь хайрцаг 24 кл баавгайтай чихэр аваачиж өгсөн чинь их уйлж билээ...Би чамаас ийм юм авах эрхгүй ээ, би чамайг яадаг байлаа гэж...  Түүнд мөнгө өгөх дэмий, оронд нь би дандаа гоё амттай юм шуудайгаар өгөх юмсан гэж хичээдэг бөлгөө... хэ хэ одоо жил бүр үхрийн мах авч өгдөг... эмээ болсон доо миний муу эгч... 

Миний эгч залуу халуун насандаа муу дүүгээ их л дарамталж гомдоож байсан, гэхдээ муу дүү нь таньдаа хайртай... зөндөө гоё амттай гоё юм хэдэн хайрцаг авч өгнөө...

Хамгийн сүүлд нь хэний ч хүүхэд ч бай, хэзээ ч бүү гомдоогоорой, хүний амьдрал гэж эргэдэг юм шүү, бас хүүхэд бага гэлтгүй бүгдийг санадаг юм шүү л гэж хэлэх байна даа ...

Эвий эвий эгч минь... даанч жаахан ухаан муутай даа... одоо яая гэхэв мах цусны чинь тасархай нь үнэн юм чинь, тэр өрийг нь хуваагаад төлөлцөнөө... Харин тэр баригдаж ирсэн хүргэнийг чинь чадахгүй ээ... өөр ах дүү нартаа хэлнэ бизээ...