Сайн байцгаана уу? Надад та бүхний санал зөвөлгөө хэрэгтэй байна. Яасан гэхээр намайг хараа муутай гэдгийг манайхаар ордог гардаг хүмүүс гадарлах байхаа. Би бараг хорин жил харааны шил зүүсэн хүн байгаа юм. Сүүлийн үед "контакт линз" их зүүхээр харшил өгөөд, нүд загатнаад хэцүү боллоо. Хараа муутай нүдний шил зүүдэг хүн чинь бас хэцүү ш тэ. Нэг газар ороод гарахад цанатана гэхээс авхуулаад усанд сэлэх, спортоор хичээллэх гэх мэтэд нүдний шилэндээ захирагдаад байдаг. Энэ зовлонг шил зүүдэг хүмүүс мэдэх байхаа.

Бага байхын л би самбар дээрхи зүйлийг харахгүй олон жил хамгийн урьд талын ширээнд суудаг хүүхэд байлаа. Гэтэл эмч одоо багаас нь нүдний шил зүүлгэж харааг нь тогтоохгүй бол улам муудна гэснээр би "салшгүй найзтай" болоод түүнтэйгээ олон жил амьдарч яваа хүн билээ. Миний бодлоор харааны шил зүүснээр хараа тогтох, сайжрах бус улам л муудсан гэж боддог. Одоо тэгээд нас яваад ойрын хараа хүртэл муудах шинжтэй. За тэгээд хараа тогтоох сайжруулах сайн гэсэн арга чарга бүхнийг л олж хэрэглэж үзсэн ч  үр дүн гарсангүй ээ. Иймд одоогоос хоёр жилийн өмнө "лазёр" хагалгаанд л орвол, олон жилийн олдмол "найзаасаа" салж болно гэж бодох болсон юм. Тэгээд судлаад судлаад энэ жил, энэ сард орохоор хатуу шийдсэн юм.

Дэлхий дээр нилээд олон төрлийн "лазер" хагалгаа байдаг юм байна. Нүд бол хүнд хамгийн чухал эрхтэн тул сайн бодож, судлаж шийдэхгүй  бол болохгүй байлаа. Гэхдээ хаана, ямар технологоор гэдгийг удаан бодлоо. Энд байх хамгийн сайн гэх бас айхтар үнэтэй "Vista Vistion" гэсэн нэртэй америкийн цэргийн нисэх хүчнийхэний нүдийг эмчилдэг эмнэлэг байна лээ. Азид хоёр тийм аппарат байдаг гэнэ. Нэг нь энд нөгөөх нь японд байдаг гэнэ.Тэнд очиж үзүүлсэн.

Хүн бүрийн нүдний хүүхэн харааны хальс нь харилцан адилгүй зузаантай байдаг гэнэ. Түүнээс шалтгаалж хийлгэж болох эсэхээ шийддэг юм байна. Бас амжилтгүй болвол дахин хийлгэж болох эсэх, хэтэрхий нимгэн хальстай  нүдийг ердөө ганц л удаа " лазерддаг" юм байна. Ядаж байхад миний нүд ганц удаа л буудуулж болох зузаантай гарсан. Иймд маш сайн эмнэлэг сонгохгүй бол, ердөө "нэг л удаа" гэдэг тоглоом биш тул удаан судаллаа.

Аа бас дараагийн "баталгаа" нь гурван янз байна. Үүнд насан туршийн баталгаа, таван жил, гурван жил, зургаан сар, бас болоогүй ээ, хамгийн хямд нь баталгаат хугацаа өгдөггүй хүртэл байна лээ. Бас холын хараагаа сайжруулахад ойрын хараа нь яваандаа муудсан муудсан хүнтэй уулзаж байлаа. Тэр нь нөгөө технологи болон үнээсээ хамаарч байгаа юм байна. Би тэр эмнэлэг шинжилгээ хийлгэж байхад нэг өвөөг харсан.

Шууд гарч ирээд нүднийхээ шилийг хогын саванд хийж байхыг хараад өөрийн эрхгүй сэтгэл хөдлөөд тэр үед л ороод явчмаар санагдсан. Өдөрт гурван удаа дуусаа гэж нэг эм өгөөд маргааш ирж үзүүлээрэй гэхийг нь сонсоод тэр хүнээс яриа өдөж асуусан чинь би одоо сайн хараад байх шиг байна гээд инээж байсан. Төд удалгүй хүүүдүүд нь бололтой хоёр хүн аваад явсан. Ердөө гучин минутын дотор шүү дээ. Надад их сайхан санагдаж байлаа.

Нэг эм дусаагаад гучин минут болоод, шилэн ханатай өрөөнд оруулаад дээрээс нь нэг том техник яваад л өнгөрөх шиг болсон. Гялс гээд улаан гэрэл анивчаад л болоо. Түүнийг нь эмч биш компьютор хийдэг юм билээ. Гаднаас нь хүмүүс харж байж болдог юм байна лээ. Яг хагалгаа нь нэг нүд хоёр минут гэсэн. Хоёр нүд дөрвөн минут хараа муутай хүнд сайхан сонсогдож байгааз.
 
 Одоо манайхан Тайландад очиж их үзүүлдэг болсныг мэдэж байгаа байх. Хоёр жилийн өмнө манай нэг найз Банкокт хийлгэсэн юм. Тэр эмнэлэг энд байх эмнэлэгтэй адил технологитой боловч үнэ нь арай хямд. Гэхдээ надад үнэ мүнэ чухал бишээ. Найз нартайгаа уулзах, яг хийгэсэн хүнтэй хамт байх болон бас бус ажил байгаа юм.

Тэр найз одоо зүгээр "хайрт найзаа" бүр мартсан. Гэхдээ зөвхөн холын хараагаа хийлгэсэн тул ном уншихдаа шил зүүдэг. Тэгээд за үргэлж шилтэй явсанаас түр зуур юм уншихад шил зүүх бол асуудал бишээ гэж хэлдэг. Гарч ирээд нүдний шилээ "оршуулсан" гэсэн. Би бас тэгнэ гэж бодоод байгаа. Тэр найз маань ээжийнхээ биеийг үзүүлэхээр ирж байгаа, би эндээс зулзагануудаа хичээлээс нь чөлөө аваад сайн туршлага судлаад "амьд гэрч" дагуулаад "орох" гэж шийдсэн. Бас хоёр найз ирнэ. За тэгээд би олон ажил бүтээхээр явах гэж байна.
 
1. Хараагаа сайжруулах
2. Бас бүх биений шинжилгээнд орох
3. Нөгөө муу хөлөө үзүүлэх
4. Найз нартайгаа уулзах
5. Гэрийн ажлаа чөлөөлөгдөөд буудалд хэд хоног тарвалзах
6. Муурч унаталаа "дэлгүүрдэх"
7.Дараа нь нэг аралд очиж заан унах
8. Хүүгээ тайланд үзүүлэх (хүүхэн бид хоёр очсон)

  Өвөл эндээс нүүгээд өөр газар очих тул дахин мөддөө энэ хавиар ирэхгүй тул сайхан хэсээд авна гэж бодоод байгаа. Аймаар их ажил амжуулах гээд байгаа хүн байгааз. Хамгийн гол нь дараа нь дахин хараа муудвал яах вэ? гэдэг том асуудал байгаа юм. Энэ удаа "Medical tourism" хийнэ. Одоо нас яваад " лайтай гөгширөөд " байна шөө. Биеэ бодно байгаа гэсэн. За тэгээд тэр айхтар "лазер" эмчилгээний тухай сонссон дуулсан үзсэн болон дараа нь учирч болох тохилдолыг мэдэх хүмүүс хэлж туслаарай ? Сээгий горьдоод хүлээж байя найз нар минь...