Зиак энэ удаа өчүүхэн хүн миний бие та бүхэнд нэг мэдээлэл хүргэх гэсэн юмаа. Өчдөр монгол сайтуудаар хэсэж яваад Блогуудыг уншдаг, бас бичих гэж оролдож байгаа хүний хувьд дээрхи асуудалтай холботой нэгэн видео олоод үзлээ.
За даа над шиг дандаа хоцорч байдаг хүн ч гэж юу байхав, ихэнхи нь үзсэн байх. Гэхдээ юмыг яаж мэдэхэв, үзээгүй нэг нь байвал үзэхэд гэмгүй гэж бодоод хаягийг нь бичлээ.

   Mgl video. com-Beta гэсэн сайт руу ороод "Баабар Блогчидтой хийсэн уулзалт" гэсэн бичлэгийг үзээрэй...хө.
Миний хувьд эрхэм Баабар гуайг хүндэтгэн түүний бичсэн нийтлэл болон ном бүрийг авч уншихыг хичээдэг юм. Түүнийг би манай монголын энэ зууны агуу их сэтгэгч, өнөөгийн монголын нийгэм дэхь " чухал " өнгө гэж боддог юм . Гэхдээ хүн бүр өөр өөрийн гэсэн ертөнцийг харах өнгөтөй билээ. Саарал шил зүүгээд гэж бодвол саарал л харагдана. Саарал өнгөнд буй хар цагаан судлыг олж харж чадвал арай өөрийг хэлэх буй за.

Дээрхи эрхэм хүндэт нийгмийн томоохон зүтгэлтэн агуу сэтгэгч, нийтлэгч хүнийг мань мэт нь дүгнэлт нтр өгвөл чухам  алдас болно гэж бодоод зогсов.

Дээр үедээ хө, ерөөд оны эхэн үед, би Сүхээ өвөөгийнхээ талбай дээр алхаж явлаа. Гэтэл нэг намхан, нэг өндөрдүү хоёр хүнтэй таарсан юм. Тэр хоёр хүмүүсд нэг нэг номон дээр гарын үсгээ зураад өгч байсан. Би бас гарын үсэг зуруулаад авсан юм. Гэртээ ирээд уншиж үзлээ. Надад маш их таалагдаж чухам унтах нойрыг умартан үүр цайтал хоёуланг нь ээлжлэн уншиж дууссан. Маргааш нь сургууль дээрээ очоод энэ номны тухай ярьж өгсөн биш найз нар гуйж уншаад би харамлаад сүйд чиг болсон юм. Түүнээс хойш олон олон дахин уншсансан. Одоо ч уйдаагүй хэвээрээ. 93 уу, 94 үү, оныг нь яг сайн мэдэхгүй байна. Энд даанч алга.

Өнөөг хүртэл дээрхи номнууд манай монгол дахь гэрийн номын санд хүндтэй байр нь алдагдаагүйгээр үл барам  олон дүү нартайгаа байж байгаа. Тэр өндөр хүн нь монголд анх Фельтон урсгалын анхдагч Д. Цэнддоо гуай байсан юм билээ. Тэр номных нь  нэр "Ерээд оны Тунгалаг тамир". Үнэхээр гайхалтай санагдаж байсан.
Аа тэр намхан хүн нь Баабар хэмээх Батбаяр гуай байсан юм билээ. Номын нэр нь "Айл гэр болж тоглох нь" гэсэн байсан. Тэр үед би өөрийгөө азтайд тооцож байлаа. Ийм агуу сэтгэгчидтэй санамсаргүй таарч, гар барин номыг нь гардаж авсандаа өнөө хэр баярлаж явдагаа.

Дээрхи хоёр эрхэмийг өчүүхэн уншаач миний бие зохиолч гэх үү, нийтлээч гэх үү мэдэхгүй ч ямар чиг л байсан нийгмийн том зүтгэлтэнгүүд, оюун санааны их хувьсгалчид гэж боддог. Дээрхи хоёр ном бол дээрхи хоёр эрхэмийн хамгийн анхны бүрэн хэмжээний албан ёсоор хэвлэгдэж гарсан ном байх гэж боддог.  Яг энэ агшинд, хэвлэлтээс дөнгөж гарсан хэвлэлийн хорных нь үнэр ч үнэртэж байх шиг мэдрэмж төрж байна. Тэр цагаас хойш шинэ ном, бичсэн бүхнийг нь алдалгүй алгасалгүй олж унших "хорхойтой" болсон юмаа.

Би байна ш тэ, за намайг бүү шоолоорой..., дээрхи хоёр хүнтэй хэзээ нэгэн цагт уулзаж ярилцах юмсан гэж боддогоо. Гэхдээ нийтийн том зааланд албан ба албан бус асуулт хариултууд үүнд орохгүй. Хүндэтгэж явдаг хүнтэйгээ уулзаад нэг ширээний хоёр талд суугаад энгийн хүмүүсийн харилцаагаар, эгэл жирийн яриа өрнүүлэн ярилцаж, өөрөө өөрийнхөө оюун санаанд эрч хүч нэмэх юмсаан гэж...хэ хэ...

Надад бас  нэг бодол байдгийн, ямар хүнийг зохиолч гэдэг юм болоо гэж. Заавал тэр Горький морькийг төгсөөд юм уу, курс мурсд нь суусан хүнийг хэлэх үү, бүр эсвэл тоон үзүүлэлтээрээ хэдэн ном хэвлүүлсэнээрээ болдог юмуу, өө бүр хэдхэн заримдаа ганц нэгхэн час хийсэн зохиол бичээд өнөөг хүртэл бидний дотор амьд сэрүүн хүмүүс бас байдаг шүү дээ...тиймээ...

Үүнтэй холбоотой гэмээр Пентатоник наадамтай холбоотой нэг жишээ хэлье. Хэнийг ая зохиогч,  хэнийг хөгжмийн зохиолч гэх вэ гэдэгт, дээрхи наадмыг зохион байгуулагчид манай гэрт ихээхэн  маргалдаж байсан юм.
Та нар санаж байвал ая зохиогч Долгион гээд байдаг байсан. Гэтэл одоо хөгжмийн зохиолч гэх болсон байна лээ. Аа бас "Харангын" Чука ах байна. За доо би сайн мэдэхгүй хэ хэ...
Сургууль номыг нь төгсөөд олон том хөгжмийн зохиол бичээд, тэр нь томоохон театр нтр-д бүхэл бүтэн оркейстортой тоглолт хийдэг хүнийг хөгжмийн зохиолч гэдэг юм уу, бөө мэд. Эсрэг бодол нь тэр томоохон бүтээлийг хэдэн хүн, хэдэн удаа үздэг юм бол, гэтэл "бичкэн" гэгдэх ая зохиогч буюу дууны ая бичигчдын бүтээлийг хэн хүнгүй, надаас авхуулаад амандаа гингэнэж л байдаг. Энэ тухайд хүнд хүрэхээр болдог байх гэж боддог юм.
 
За ингээд хадуураад алга болчдын зүгээр. Нээрээ би сайхан "далийна" шөө.
Өө нэг юм хэлэх гэснээ мартөөл алга болох гэж байна. Гампдаа, Тагнайдаа баярлалаа. Өндрөөс өндөр амжилт хүсье? Манай Банжигчид дээгүүр давхиж явнөө.....